Իսլամական հեղափոխության նահատակ առաջնորդի մարմինն ամփոփվեց Իմամ Ռեզայի սրբավայրում
Իսլամական հեղափոխության նահատակ առաջնորդի և նրա ընտանիքի նահատակ անդամների մարմինները, հրաժեշտի արարողությունից և հոգեհանգստյան աղոթքից հետո, ամփոփվել են սրբազան Մաշհադ քաղաքում գտնվող Իմամ Ռեզայի սրբավայրում։
Հղում անելով Իրանի պետական հեռուստառադիոընկերությանը, Pars Today-ը հաղորդում է, որ Իսլամական հեղափոխության նահատակ առաջնորդ, այաթոլլահ սեյեդ Ալի Հոսեյնի Խամենեիի մարմինը հուղարկավորվել է իմամ Ռեզայի սրբավայրի Դար ազ-Զիքր սրահում՝ սրբազան դամբարանի հարևանությամբ։
Ղոմ նահանգի Իսլամական քարոզչության համակարգման խորհուրդը հայտարարել է, որ հուլիսի 10-ի երեկոյան աղոթքներից հետո, Ղոմի Ֆաթիմա Մասումեի դամբարանի իմամ Խոմեյնու անվան սրահում կանցկացվի նահատակ առաջնորդի հիշատակին նվիրված ոգեկոչման արարողություն՝ գերագույն առաջնորդ այաթոլլահ իմամ սեյեդ Մոջթաբա Խամենեիի անունից։