ԱՄՆ-ը նոր պատժամիջոցներ է սահմանել Իրանի դեմ
Իրանի դեմ ուղղված իր թշնամական քաղաքականության շրջանակում, ԱՄՆ գանձապետական դեպարտամենտը նոր պատժամիջոցներ է սահմանել Իրանի հետ կապված մի շարք անձանց և մեկ ընկերության նկատմամբ:
Ուրբաթ օրն ԱՄՆ ֆինանսների նախարարությունը հայտարարություն է տարածել, նշելով, որ Օմանում գտնվող «Թաիֆ» լեռնահանքային ընկերութան և Ամիր Դիանտի նկատմամբ սահմանվել են պատժամիջոցներ՝ Իսլամական հեղափոխության պահապանների կորպուսի հետ համագործակցելու պատճառով:
Վերջին օրերին ԱՄՆ-ը ջանքեր է գործադրում ՄԱԿ-ի կողմից Իրանի նկատմամբ սահմանված զնեքի էմբարգոյի ժամկետը երկարաձգելու ուղղությամբ:
Նյու Յորք Թայմզը երկուշաբթի օրը հաղորդել է, որ ԱՄՆ պետքարտուղար Մայք Պոմպեոն ջանքեր է գործադրում երկարաձգելու Իրանի դեմ սահմանված զենքի էմբարգոյի ժամկետը, վկայակոչելով ՀԳՀԾ-ի դրույթներից մեկը:
Իրանի նկատմամբ ՄԱԿ-ի սահմանած զենքի էմբարգոն կչեղարկվի սույն թվականի հոկտեմբերի 18-ին, ԱԽ 2231 բանաձևի հիման վրա:
