Իրանը բժշկական սարքավորումներ և դեղորայք է ուղարկել Վենեսուելա
Վենեսուելայի պլանավորման հարցերով նախարարը հայտարարել է, որ այդ երկիրն Իրանից ստացել է կենսական նշանակության բժշկական սարքավորումներ ու դեղորայք:
Երեքշաբթի օրը, Վենեսուելայի արդյունաբերության նախարար Ռիկարդո Մենենդեսը հայտարարել է, որ Իրանը մարդասիրական օգնություն է ուղարկել Վենեսուելա՝ կորոնավիրուսի դեմ այդ երկրի պայքարին աջակցելու նպատակով:
Հատկանշական է, որ ավելի վաղ Վենեսուելա վառելիք տեղափոխած իրանական հինգ տանկերները բարեհաջող վերադարձել են Իրան:
Կիրակի օրը, պետական հեռուստատեսությամբ ունեցած ելույթում, Վենեսուելայի նախագահ Նիկոլաս Մադուրոն շնորհակալություն հայտնելով Ռուսաստանին, Չինաստանին, Իրանին և Կուբային՝ Կարակասին մարդասիրական օգնություն տրամադրելու համար, հավելել է, որ այդ երկրները Վենեսուելայի իրական ընկերներն են:
Արժույթի միջազգային հիմնադրամին ուղղված նամակում, Մադուրոն հայտարարել է, որ ԱՄՆ-ի պատժամիջոցների պատճառով, երկրի առողջապահական համակարգը գտնվում է ծանր դրության մեջ:
