Ռոհանին. Կորոնավիրուսի դեմ Իրանի պայքարն արդյունավետ է
ԻԻՀ նախագահը հայտարարել է, որ մեծ թվով, նույնիսկ շատ զարգացած երկրների համեմատ, կորոնավիրուսի դեմ Իրանի պայքարն արդյունավետ է եղել:
Հունիսի 20-ին, կորոնավիրուսի դեմ պայքարի ազգային շտաբի նիստում, ԻԻՀ նախագահ Հասան Ռոհանին ասել է, որ հիվանդությունը ծանր հարված է հասցրել երկրներին՝ տրանսպորտի, զբոսաշրջության, տնտեսության, կրթության և նույնիսկ բժշկության ոլորտներում:
Իրանը առողջապահական ճակատի և բոլորի զոհաբերությունների, այդ թվում ՝ զինված ուժերի և ժողովրդի համագործակցության շնորհիվ, կարողացավ արդյունավետ պայքարել կորոնավիրուսի դեմ:
Ռոհանին նշել է, որ գիտնականների և առողջապահության ոլորտի փորձագետների կարծիքով, կորոնավիրուսի պանդեմիայի ավարտի հստակ ժամկետ հնարավոր չէ ասել: Նրա խոսքերով. «Հետազոտողների կարծիքով, այս վիրուսն ինքն իրեն չի վերանա, ուստի պետք է պատրաստվել երկարատև դիմակայության համար»:
