Ռոհանին կարևորել է Իրանի բոլոր հարևանների հետ հարաբերությունների ընդլայնումը
ԻԻՀ նախագահն ընդգծել է Իրանի բոլոր հարևանների հետ հարաբերությունների ընդլայնման ու համագործակցության անհրաժեշտությունը:
Չորեքշաբթի օրը կայացած կառավարության նիստում, Հասան Ռոհանին հույս է հայտնել, որ Իրանի համագործակցությունը բարեկամ և հարևան երկրների, ներառյալ Ռուսաստանի, Իրաքի, Թուրքիայի, Քաթարի, Պակիստանի, Աֆղանստանի հետ, կընդլայնվի:
Անդրադառնալով Մուհամմադ Ջավադ Զարիֆի Մոսկվա կատարած այցին, Ռոհանին ասել է. «Զարիֆն իմ ուղերձն է փոխանցել Ռուսաստանի նախագահ Վլադիմիր Պուտինին ՝ Թեհրանի և Մոսկվայի միջև տարածաշրջանային և միջազգային հարաբերությունների ամրապնդման վերաբերյալ: Վլադիմիր Պուտինը ողջունել է այն»:
Նրա խոսքերով. «Անցած տարիների ու ամիսների ընթացքում, Թեհրանը լավ շփումներ է ունեցել Ռուսաստանի և Չինաստանի հետ, և վերջին տարիներին այդ հարաբերություններն ավելի են զարգացել»:
