Ղարիբաբադի. Իրանն անտեսում է ԱՄՆ-ի և Իսրայելի պնդումները
Վիեննայում տեղակայված ՄԱԿ-ի միջազգային կազմակերպություններում Իրանի դեսպանը և մշտական ներկայացուցիչն ասել է, որ Իրանն անտեսում է ԱՄՆ-ի և Իսրայելի անհիմն պնդումները, որոնք ուղղված են Ատոմային էներգիայի միջազգային գործակալության վրա ճնշում գործադրելուն:
Քազեմ Ղարիբաբադին ՀԳՀԾ-ի թեմայով Ատոմային էներգիայի միջազգային գործակալության կառավարիչների խորհրդի եռամսյակային նիստում ասել է, որ Իրանն առավելագույն համագործակցություն ունի Ատոմային էներգիայի միջազգային գործակալության հետ:
Վիեննայում տեղակայված միջազգային կազմակերպություններում Իրանի դեսպանը հավելել է.«Միացյալ Նահանգները պետք է ընդունի իր սխալ գործողությունների հետևանքների պատասխանատվությունը, քանի որ ակնհայտորեն խախտում է Միավորված ազգերի կազմակերպության կանոնադրությունը և ՄԱԿ-ի Անվտանգության խորհրդի 2231 բանաձևի դրույթները»:
Ղարիբաբադին ասել է, որ ԱՄՆ-ը, որը հազարավոր միջուկային մարտագլխիկներ ունի և մյուս երկրներին սպառնում է դրանց հնարավոր կիրառմամբ, իրավունք չունի խոսելու միջուկային զենքի չտարածման մտահոգությունների մասին:
«Իսրայելի ռեժիմը Մերձավոր Արևելքում միակ ռեժիմն է, որն արտադրել և զարգացրել է այդ տեսակի տարբեր զենքեր», - ասաց նա:
Ղարիբաբադին ասել է. «ՀԳՀԾ-ը կարող է պահպանվել միայն իրավունքներն ու պարտականությունները երաշխավորելու համատեղ ջանքերի և գործողությունների միջոցով»:
