Իրանի ԱԳՆ խոսնակ. Արտաքին քաղաքականությունը երևակայության վրա հիմնելն անխոհեմ է
Իրանի արտգործնախարարության խոսնակը, Թեհրանում Թուրքիայի դեսպանին ԱԳՆ կանչելու կապակցությամբ, նշել է. «Թուրքիայի դեսպանին ասել են, որ խելամիտ չէ արտաքին քաղաքականությունը երևակայությունների վրա հիմնելը»:
Սաիդ Խատիբզադեն ուրբաթ Թվիթերում գրել է. «Թուրքիայում շատերը, ովքեր լավ գիտեն պատմությունը, պետք է նախքան բանաստեղծությունները կարդալը, իրենց պետական պաշտոնյաներին հիշեցնեն դրա ստեղծվելու հիմքերի մասին»:
Իրանի դիվանագիտական կառույցի խոսնակը հավելել է. «Իրանի մաս կազմող սիրելի Ատրպատականը միշտ եղել է հայրենիքի հենակետը»:
Թուրքիայի նախագահ Ռեջեփ Թայիփ Էրդողանը հինգշաբթի օրը մեկնել էր Բաքու՝ մասնակցելու հայկական օկուպացված տարածքների ազատագրման կապակցությամբ ադրբեջանական ուժերի զորահանդեսին:
Արարողությանը, որին մասնակցում էր նաև Ադրբեջանի նախագահ Իլհամ Ալիևը, Էրդողանը կարդացել է անջատողականության թեմայով մի բանաստեղծություն Արաքս գետի մասին, որն անցնում է Իրանի և Ադրբեջանի սահմաններով:
