Զարիֆ. Քաղաքական համապարփակ լուծումը Աֆղանստանում կայուն խաղաղության լավագույն երաշխիքն է
Իրանի ԱԳ նախարարն ասել է.«Աֆղանստանում կայուն խաղաղության լավագույն երաշխիքը բոլոր աֆղանցի խմբերի մասնակցությամբ քաղաքական համապարփակ լուծումն է»:
Մոհամմադ Ջավադ Զարիֆը երեքշաբթի օրը Թեհրանում Աֆղանստանի Ազգային անվտանգության հարցերով խորհրդական Համդոլլահ Մոհեբի հետ հանդիպման ժամանակ ասել է. «Թեհրանի կողմից Քաբուլին աջակցություն ցուցաբերելն Իրանի իսլամական հանրապետության սկզբունքային քաղաքականությունն է»:
Ընդգծելով երկկողմ, տարածաշրջանային ու միջազգային մասշտաբներով բարեկամ ու հարևան երկու երկրներ՝ Իրանի ու Աֆղանստանի միջև խորհրդակցությունների խորացման անհրաժեշտությունը, Զարիֆը գոհունակություն է հայտնել Խաֆ-Հարաթ երկաթգծի բացման կապակցությամբ, ասելով, որ այն ենթահող է ստեղծելու երկու երկրի համագործակցության ընդլայնման և արևելյան շրջանների հետ ավելի արագ հաղորդակցվելու համար»:
Իրանի արտաքին քաղաքական գերատեսչության ղեկավարն ընդգծել է ամերիկացի և այլ օտարերկրյա զինծառայողների Աֆղանստանից դուրս գալու անհրաժեշտությունը:
Աֆղանստանի ազգային անվտանգության հարցերով խորհրդականը ևս խաղաղության բանակցությունների հետ կապված վերջին զարգացումների մասին զեկույց ներկայացնելով, բարձր է գնահատել Աֆղանստանի կառավարությանն ու ժողովրդին աջակցելու Իրանի իսլամական հանրապետության դիրքորոշումը:
