Գեներալ Հեյդարի. ԻԻՀ բանակն ակտիվ է նաև առողջապահության ոլորտում
Իրանի Իսլամական Հանրապետության բանակի ռազմացամաքային ուժերի հրամանատարն ընդգծել է.«Իրանի բանակն իր առաքելությամբ, օրինականությամբ և ժողովրդին մատուցվող ծառայության առումով էապես տարբերվում է աշխարհի մյուս բանակներից»:
Կիրակի օրը, Բանակի օրվան նվիրված միջոցառման ժամանակ ունեցած ելույթում, բրիգադային գեներալ Քիումարս Հեյդարին ասել է.«Իրանի բանակը լիովին ծառայում է իսլամական և հեղափոխական արժեքներին և մշտապես կանգնած է ժողովրդի կողքին»:
Նա հավելել է.«Բանակը Սրբազան պաշտպանության 8 տարիներին առաջատար է եղել, և այժմ նաև առաջատար է առողջապահության ոլորտում: Այսօր Բանակի ռազմացամաքային ուժերին պատկանող 28 հիվանդանոցներ կորոնավիրուսի դեմ պայքարում ծառայում են ժողովրդին»:
Բրիգադային գեներալ Քիումարս Հեյդարին ասել է. «Բանակը պատրաստ է պաշտպանել անվտանգությունը, և նրանք, ովքեր կցանկանան հարձակման ենթարկել Իրանի ազգային անվտանգությունը, կստանան Իսլամական Հանրապետության հզոր բանակի վճռական պատասխանը»:
Ապրիլի 18-ին Իրանում նշվեց Բանակի օրը:
