Թախթռավանչի. Բռնությունից ու ագրեսիայից պաշտպանվելը պաղեստինցիների իրավունքն է
ՄԱԿ-ում Իրանի ներկայացուցիչը հայտարարել է, որ բռնությունից ու ագրեսիայից պաշտպանվելը պաղեստինցիների իրավունքն է:
Կիրակի օրը, Պաղեստինի զարգացումների քննարկման նպատակով կայացած ՄԱԿ-ի ԱԽ նիստում, Մաջիդ Թախթռավանչին հայտարարել է. «Այս նիստին զուգահեռ, իսրայելական ռեժիմի վայրենի ուժերը սպանդ են իրականացնում Պաղեստինում, մասնավորապես՝ Գազայի հատվածում, որն անվանվել է նաև «աշխարհի ամենամեծ բաց բանտը»: Մինչ այժմ, իսրայելական հարձակումների հետևանքով զոհվել է 192 մարդ, այդ թվում՝ 58 երեխա և 34 կին»:
Նա հավելել է. «Նրանք ստորաբար սպանում են անպաշտպան կանանց, երեխաներին, նորածիններին ու ընտանիքներ: Նրանք անամոթաբար անարգում են սրբավայրերը: ռմբակոծում և գնդակոծում են բնակելի տարածքները, դպրոցները և առողջապահական հաստատությունները. Նրանք ավերում են տները: Այլ խոսքով, նրանք միաժամանակ իրականացնում են չորս խոշոր հանցագործություն»:
ՄԱԿ-ում Իրանի մշտական ներկայացուցիչը նշել է, որ Պաղեստինի հարցը չի լուծվի առանց արդարության և միջազգային իրավունքի սկզբունքների պահպանման, հավելելով, որ միջազգային հանրությունը պետք է կատարի իր իրավական, քաղաքական և բարոյական պարտավորությունը ՝ լիովին աջակցելու պաղեստինցիների իրավունքների իրացմանը:
