Իրանը և Ռուսաստանն ընդլայնում են ռազմական համագործակցությունը

Իրանի պաշտպանության փոխնախարար Հոջաթոլլա Ղոռոյշին և Ռուսաստանի պաշտպանության նախարարի տեղակալ Ալեքսանդր Ֆոմինը, չորեքշաբթի օրը Մոսկվայում կայացած հանդիպման ընթացքում, քննարկել են երկու երկրների միջև ռազմական համագործակցության ընդլայնումը:

ԻՌՆԱ-ի հաղորդման համաձայն, հանդիպմանը կողմերը բացի տարածաշրջանային անվտանգության հարցերի շուրջ խորհրդակցությունից և կարծիքների փոխանակումից, կարևորել են Իրանի և Ռուսաստանի վճռականությունը՝ խորացնելու հարաբերությունները պաշտպանության ոլորտում:

Վերջին տարիներին Իրանի Իսլամական Հանրապետության և Ռուսաստանի պաշտպանական և ռազմական հարաբերությունները, ինչպես նաև քաղաքական և տնտեսական ոլորտներում երկկողմ համագործակցությունը զարգանում է: