Ամիր Աբդոլլահյան. Իրանը ցանկանում է, որպեսզի Աֆղանստանը զերծ լինի պատերազմից և ահաբեկչությունից
ԻԻՀ ԱԳ նախարարնԱֆղանստանի նախկին նախագահի հետ հեռախոսազրույցում ասել է. «Իրանը ցանկանում է, որպեսզի Աֆղանստանը զերծ լինի պատերազմից և ահաբեկչությունից»:
ԻՌՆԱ-ի հաղորդման համաձայն, երեքշաբթի օրը կայացած հեռախոսազրույցում, Իրանի ԱԳ նախարար Հոսեյն Ամիր Աբդոլլահյանն Աֆղանստանի նախկին նախագահ Համիդ Քարզայի հետ քննարկել է այդ երկրի վերջին զարգացումները:
Իրանի արտգործնախարարն ընդգծեց Իրանի Իսլամական Հանրապետության սկզբունքային քաղաքականությունը, որը հիմնված է բոլոր խմբերի միջև երկխոսության վրա` նպատակ ունենալով Աֆղանստանում ձևավորել համապարփակ կառավարություն, որում ներկայացված կլինի այդ երկրի էթնիկ և ժողովրդագրական կազմը: Ամիր Աբդոլլահյանը հավելել է. «Միայն այդ կերպ Աֆղանստանը կարող է հասնել կայուն խաղաղության»:
Ամիր Աբդուլլահյանը նշել է. «Իրանի Իսլամական Հանրապետությունը բաց կպահի Աֆղանստանի հետ իր սահմաններն ու անցակետերը՝ այս երկրում առկա իրավիճակը մեղմելու համար և կշարունակի առևտուրը Աֆղանստանի հետ»:
Աֆղանստանի նախկին նախագահ Համիդ Քարզայը նշել է. «Այլ բարձրաստիճան պաշտոնյաների հետ միասին մենք խորհրդակցում ենք տարբեր խմբերի, այդ թվում ՝ թալիբների հետ, և Իրանից խնդրում ենք շարունակել այդ ուղղությամբ ցուցաբերվող աջակցությունը»:
