Իրանցի դիվանագետը պատասխանել է Սաուդյան Արաբիայի և Եվրոպայի դեսպանների անհիմն մեղադրանքներին
ՄԱԿ -ում իրանական պատվիրակության նխորհրդականն արձագանքել է ՀԳՀԾ-ի և տարածաշրջանային խնդիրների վերաբերյալ եվրոպական որոշ երկրների և Սաուդյան Արաբիայի դեսպանի անհիմն մեղադրանքներին:
ՄԱԿ -ի ԳԱ իրանական պատվիրակության խորհրդական Հեյդար Ալի Բալուջին հայտարարել է. «ՀԳՀԾ-ի վերաբերյալ անհերքելի փաստն այն է, որ միայն Իրանը հավատարիմ մնաց համաձայնությանը, իսկ Եվրոեռյակն ու ԱՄՆ -ն չեն կատարել այս փաստաթղթով ստանձնած պարտավորությունները»:
Իրանցի դիվանագետը հայտարարել է. «Իրանը հավատարիմ կմնա ՀԳՀԾ-ին, պայմանով, որ մյուս անդամները նույնպես կատարեն իրենց պարտավորությունները, և որ բոլոր անարդար պատժամիջոցները արագ չեղարկվեն և դա ստուգվի Թեհրանի կողմից»: :
Նա հավելել է. «Իրանի հակահրթիռային պաշտպանության կարողությունը երկրի մեր անքակտելի իրավունքն է և իրականացվում է ԻԻՀ միջազգային պարտավորությունների շրջանակներում»:
Բալուջին հավելել է, որ ՀԳՀԾ-ի վերականգնման շուրջ բանակցությունների ընթացքում Սաուդյան Արաբիան և Իսրայելը ամեն ինչ արեցին, որպեսզի տապալեն այդ գործընթացը, և շարունակում են վարել ՄԱԿ -ի կանոնադրությամբ իրենց հստակ պարտավորություններին հակասող քաղաքականություն:
Իրանցի դիվանագետը հայտարարել է, որ Սաուդյան Արաբիան մեղադրում է Իրանին, այն պայմաններում, երբ այդ երկիրը մերժել է ՄԱԳԱՏԷ-ի բոլոր առաջարկները՝ ընդունել և իրականացնել երաշխիքային համապարփակ համաձայնագիրը, և արդյունքում գործակալությունը չի կարող ամբողջությամբ վերահսկել և ստուգել Ռիադի միջուիկային ծրագիրը:
Անդրադառնալով տարածաշրջանային անվտանգության վերաբերյալ մեղադրանքներին, Բալուջին ասել է, որ Իրանի հակահրթիռային պաշտպանության ծրագրի վերաբերյալ անհիմն մեղադրանքները փորձ են՝ ծածկելու Սաուդյան Արաբիայի ռազմական ահռելի ծախսերը և զենքի անհագ ծարավը:
Իրանցի դիվանագետը նշել է, որ տարածաշրջանային անապահովության իրական աղբյուրը օտարերկրյա ուժերի և օտարերկրյա ռազմակայանների ներկայությունն է տարածաշրջանի երկրներում, ներառյալ՝ Սաուդյան Արաբիայում: Նա հավելել է. «Մենք հույս ունենք, որ Սաուդյան Արաբիան կընդունի Իրանի առաջարկը ՝ տարածաշրջանային երկխոսության և տարածաշրջանային խնդիրները լուծելու կապակցությամբ:
