Իրանը և Թուրքիան համագործակցության երկարաժամկետ ճանապարհային քարտեզ են մշակում
Իրանի արտգործնախարարը հայտարարել է իր թուրք գործընկերոջ հետ Իրանի և Թուրքիայի միջև երկարաժամկետ համագործակցության ճանապարհային քարտեզ մշակելու վերաբերյալ պայմանավորվածության մասին։
Հոսեյն Ամիր Աբդոլլահյանը երկուշաբթի օրը Թեհրանում Թուրքիայի արտգործնախարար Մևլութ Չավուշոշօղլուի հետ համատեղ մամուլի ասուլիսում ասել է.«Սկսել ենք մեր դիվանագիտական բանակցությունները երկու երկրների միջև երկարաժամկետ համագործակցության ճանապարհային քարտեզի դրույթների շուրջ և հուսով ենք, որ այս փաստաթուղթը կստորագրվի երկու երկրների նախագահների ներկայությամբ՝ Թուրքիայի նախագահի Իրան կատարելիք հաջորդ այցի ժամանակ»:
Նա հավելել է. «Հանդիպմանը քննարկվել են Աֆղանստանի զարգացումները, Արևմտյան Ասիայում առևտրի, անվտանգության և խաղաղության հաստատումը և երկրների հարևանության քաղաքականությունը և երկկողմ հարաբերությունների ճանապարհին առկա հնարավոր խոչընդոտների վերացումը»։
Ամիր Աբդոլլահյանն ասել է. «Վերջին երկու տարիներին երկկողմ հարաբերությունների վրա ազդել է աշխարհում տիրող կորոնավիրուսային իրավիճակը: Ես մեծ գոհունակությամբ ցանկանում եմ հայտարարել, որ նույնիսկ այս պայմաններում մենք կարողացել ենք պահպանել առևտրի մակարդակը և որոշ ոլորտներում նույնիսկ աճ գրանցել»:
Ամիր Աբդոլլահյանը հուսյ է հայտնել, որ Եմենի դեմ քաղաքացիական պատերազմը և այդ երկրի շրջափակումը հնարավորինս շուտ կավարտվեն։
Նա հավելել է.«Մենք մտահոգությամբ հետևում ենք Լիբանանում տեղի ունեցող իրադարձություններին և շարունակելու ենք Լիբանանին աջակցելու մեր քաղաքականությունը»։
