Բաղերի Քանի. Սիոնիստները փորձում են չփացնել Իրանի հետ բանակցությունների մթնոլորտը
Վիեննայի բանակցություններում Իրանի գլխավոր բանակցողը հայտարարել է. «Սիոնսիտները փորձում են բանակցությունների սրահից դուրս չփացնել դրանցում տիրող մթնոլորտը»:
Կիրակի օրը, «Ալ Մայադին» լրատվական ցանցին տված հարցազրույցում, Վիեննայում Իրանի և «4+1» խմբի միջև բանակցություններում, ԻԻՀ գլխավոր բանակցող Ալի Բաղերի Քանին, նշելով, որ բանակցություններն արդյունավետ են, ասել է. «Սիոնիստները բանակցությունների սրահից դուրս ջանքեր են գործադրում՝ բանակցային մթնոլորտի վրա ազդելու նպատակով»:
Նա հավելել է. «Ակնհայտ է Ռուսաստանի և Չինաստանի դիրքորոշումների համատեղելիությունը Իրանի դիրքորոշումների հետ, սակայն գոյություն ունի նաև արևմտյան կողմի հետ տարաձայնությունների հարցը»:
Իրանի գլխավոր բանագնացը նշել է, որ Թեհրանը կամավոր է եկել բանակցությունների սեղանի շուրջ և մյուս կողմից ակնկալվում է տրամաբանական մոտեցում ցուցաբերել բանակցություններին և քայլեր ձեռնարկել՝ հարցերը լուծելու ուղղությամբ»:
«Բանակցությունների այս փուլում մենք սպասում ենք ԱՄՆ-ի նոր դիրքորոշմանը և որոշում կկայացնենք ըստ այդ մոտեցման»,- հավելել է Քանին:
