Իրանի և Օմանի ռազմածովային ուժերը համատեղ զորավարժություն են անցկացրել
ԻԻՀ և Օմանի ռազմածովային ուժերը համատեղ զորավարժություն են անցկացրել Իրանի տարածքային ջրերում Հորմուզի նեղուցում և Օմանի ծովում։ Այս մասին հայտնում է ԻՌՆԱ լրատվական գործակալությունը:
Իրանի և Օմանի Թագավորության ռազմական բարեկամության համատեղ հանձնաժողովներում ձեռք բերված պայմանավորվածությունների համաձայն՝ այսօր Իրանի և Օմանի ռազմածովային ուժերն անցկացրել են իններորդ երկկողմանի փրկարարական զորավարժությունները:
Զորավարժությունն անցկացվել է Իրանի ծովուժի և ԻՀՊԿ ռազմածովային ստորաբաժանումների մասնակցությամբ՝ երկու երկրների ռազմական բարեկամության համատեղ կոմիտեի ղեկավարների և նրա անդամների ներկայությամբ:
Այս զորավարժության անցկացման նպատակն է երկկողմ փոխգործակցության զարգացումը, ծովում տարբեր ուսումնական ծրագրերի իրականացումը, փորձի փոխանակումը և աշխատակիցների արդյունավետության մակարդակի բարձրացումը։
Ըստ հաղորդման՝ երկու երկրների ռազմածովային ստորաբաժանումների միջև նախագծվել և իրականացվել են տարբեր սցենարներ, որոնք վկայում են նզախորդ վարժանքների համեմատ, այս զորավարժությունների ընթացքում ավելի արդիական ծրագրերի իրականացման մասին:
