Նոր էջ է բացվել Իրանի և Ադրբեջանի հարաբերություններում
Իրանի ԱԳ նախարարը տեղեկացրել է Իրանի և Ադրբեջանի միջև հարաբերությունների նոր սկզբի և երկկողմ համագործակցության ճանապարհային քարտեզի ձևավորման մասին։
ԻՐՆԱ-ի հաղորդման համաձայն, Իրանի արտաքին գործերի նախարար Հոսեյն Ամիր Աբդոլլահյանը ուրբաթ օրը Թվիթերում գրել է.«Բաքու կատարած պաշտոնական այցի ընթացքում համաձայնեցվել է հարաբերությունների նոր սկիզբ, իսկ Իլհամ Ալիևի հետ ջերմ հանդիպման ժամանակ ձևավորվել է հարաբերությունների ճանապարհային քարտեզը»։
Ամիր Աբդոլլահյանը հավելել է. «Արդյունավետ խորհրդակցություններ եմ ունեցել իմ գործընկեր Ջեյհուն Բայրամովի և Ադրբեջանի խորհրդարանի նախագահի հետ։ Այցն ավարտվեց իրանցիների հետ ջերմ հանդիմամբ: Իրանի արտաքին քաղաքականության օրակարգում հարևանության քաղաքականությունն է»:
Իրանի արտաքին գործերի նախարար Հոսեյն Ամիր Աբդոլլահյանը չորեքշաբթի մեկօրյա այցով ժամանել էր Բաքու: Այցի ընթացքում նա հանդիպել է նախագահ Իլհամ Ալիևի, Խորհրդարանի նախագահ Սահիբ Ղաֆարովայի և Ադրբեջանի Հանրապետության արտաքին գործերի նախարար Ջեյհուն Բայրամովի հետ։
