Քննարկվել են Իրանի և Նախիջևանի համագործակցության ընդլայնման ուղիները
Նախիջևան Ինքնավար Հանրապետությունում ԻԻՀ գլխավոր հյուպատոս Սեյեդ Ահմադ Հոսեյնին և ինքնավարության գերագույն խորհրդարանի նախագահի առաջին տեղակալ Ազար Զեյնալովը հանդիպել են և քննարկել երկկողմ հարաբերությունների վերջին իրավիճակը: Պաշտոնյաները կարևորել են համագործակցությունները ընդլայնման անհրաժեշտությունը:
Հանդիպման ժամանակ, անդրադառնալով Նախիջևանի Ինքնավար Հանրապետություն Իրանի բնական գազի մատակարարման շարունակմանը, անդրադարձ է կատարվել նաև տրանսպորտի, երկկողմ հարաբերությունների, Իրան-Ադրբեջան պառլամենտական բարեկամության խմբերի նախագահների համագործակցությանը, և Իրանի արևելյան ու արևմտյան Ատրպատական նահանգների հետ Նախիջևանի Ինքնավար Հանրապետության համագործակցության խնդիրներին: Հանդիպման ավարտին որոշում է կայացվել համապատասխան քայլեր իրականացնել երկկողմ համագործակցությունների ընդլայնման ուղղությամբ:
Հանդիպման ժամանակ Իրանի գլխավոր հյուպատոսն անդրադարձել է տարածաշրջանում իրանցի առևտրականների գործունեության հետ կապված որոշ դժվարությունների և կոչ արել աջակցել նրանց խնդիրների կարգավորմանը:
Հանդիպման ժամանակ քննարկվել են նաև գիտական և համալսարանական համագործակցությունների և Իրանից Նախիջևան դեղամիջոցների արտահանման շարունակման ճանապարհին առկա խնդիրները:
