Իրան. Պատժամիջոցների չեղարկման հարցում լավ առաջընթաց է գրանցվել
Իրանի ավագ բանակցողն ասել է, որ պատժամիջոցների վերացման հարցով Վիեննայում վերջերս կայացած բանակցությունների արդյունքում լավ առաջընթաց է գրանցվել։
ԻՌՆԱ-ի հաղորդման համաձայն, հինգշաբթի օրը, Նոր տարվա արձակուրդների շեմին, Վիեննայում Իրանի ԱԳ նախարարի տեղակալ և ավագ բանակցող Ալի Բաղերի Քանին լրագրողների հետ ճեպազրույցում ասել է, որ Վիեննայի բանակցությւոնների 8-րդ փուլում կենտրոնացումը եղել է պատժամիջոցների չեղարկման վրա:
Բաղերի Քանին հավելել է, որ բանակցությունների այս փուլում կողմերի միջև երկխոսությունը և փոխընբռնումը պատժամիջոցների չեղարկման ստուգման հարցի քննարկման շուրջ շարունակվել է և կայացել են մի քանի քանի նիստեր:
Իրանի փոխարտգործնախարարն ասել է.«Պատժամիջոցների չեղարկման վերաբերյակ, նամակագրություն է կատարվել երկու կողմերի միջև և բանակցությունների 8-րդ փուլի առաջին օրերին համեմատաբար լավ առաջընթաց է գրանցվել»։
Բաղերի Քանին հույս է հայտնել, որ տարեվերջի տոների հետ կապված մի քանի օր դադարից հետո տարբեր կողմերի հետ ավելի լուրջ աշխատանք կտարվի պատժամիջոցների չեղարկման ուղղությամբ։
Երկուշաբթի օրը Վիեննայում սկսվել է ՀԳՀԾ-ի համատեղ հանձնաժողովի բանակցությունների 8-րդ փուլը:
