Նահատակ Սոլեյմանիի սպանության գործով 74 մեղադրյալներն ԱՄՆ-ի քաղաքացիներ են
Իրանի գլխավոր դատախազը հայտարարել է գեներալ Ղասեմ Սոլեյմանիի և նրա ընկերների սպանության մեջ ներգրավված 127 մեղադրյալների ինքնությունը և ասել. «Նրանցից 74-ը ԱՄՆ քաղաքացիներ են»։
Ըստ Fars News գործակալության հաղորդման, Իրանի գլխավոր դատախազ Հոջաթոլեսլամ Մուհամմադ Ջաֆար Մոնթազերին, երկուշաբթի օրը զեկույց է ներկայացրել գեներալ Սոլեյմանիի սպանության գործով դատական իշխանության գործողությունների վերաբերյալ և ասել. «Այս ահաբեկչության գործով քրեական հետաքննությունը մեկնարկել է 2020 թվականի հունվարի 4-ին՝ գեներալ Սոլեյմանիի և նրա ընկերների նահատակության հաջորդ օրը»:
Իրանի գլխավոր դատախազը հայտարարել է. «Գործով մեղադրական եզրակացությունը պատրաստ է և ուղարկվելու է դատարան»:
Անդրադառնալով նահատակ Սոլեյմանիի սպանության գործով անցած տարվանից Իրանի և Իրաքի միջև լայնածավալ դատական համագործակցությանը, Մոնթազերին նշել է. «Այս համագործակցության ընթացքը դրական է»:
2020թ հունվարի 3-ին Բաղդադի օդանավակայանի մերձակայքում ԱՄՆ ուժերի իրականացրած ավիահարձակման հետևանքով նահատակվեցին Իրաքի կառավարության հրավերով այդ երկիր մեկնած Ղասեմ Սոլեյմանին, Իրաքի «Հաշդ ալ-Շաբի» ուժերի հրամանատար Աբու Մեհդի ալ-Մոհանդեսը և նրանց ութ ուղեկիցները:
