Ռայիսի. Թեհրան-Ալժիր հարաբերությունները կարող են առավել քան երբևէ ընդլայնվել
ԻԻՀ նախագահը Ալժիրի նախագահի հետ հանդիպման ժամանակ ընդգծել է.«Հաշվի առնելով երկու երկրի ղեկավարների վճռակամությունը, Թեհրան-Ալժիր հարաբերությունները կարող են առավել քան երբևէ ընդլայնվել՝ երկկողմ, տարածաշրջանային ու միջազգային ասպարեզներում»:
Կատարում կայացած Գազ արտահանող երկրների ֆորումի գագաթնաժողովում, Ալժիրի նախագահ Աբդոլմաջիդ Տաբբունի հետ հանդիպման ժամանակ, բարձր գնահատելով Ալժիրի ժողովրդի հեղափոխական ոգին և դիմադրությունը, գաղութարարների մաքսիմալիստական պահանջների դիմաց, ԻԻՀ նախագահն ասել է.«Այսօր ամենուր որտեղ անապահովություն է տիրում, կարելի է տեսնել օտարերկրյա, հատկապես ամերիկացիների միջամտության հետքեր, ուստի տարածաշրջանում առկա խնդիրների ու անապահովության հիմնարար լուծումն ԱՄՆ-ի և օտարերկրացիների ձեռքը տարածաշրջանից կարճելն է»:
Բարձր գնահատելով Ալժիրի արդար դիրքորոշումն ընդդեմ Սիոնիստական ռեժիմի և այլ ոլորտների, Ռայիսին հստակեցրել է. «Ալժիրը դեմ է, որպես դիտորդ անդամ Սիոնիստական ռեժիմի անդամակցությանը Աֆրիկյան միության,ինչը արժեքավոր քայլ է ի պաշտպանություն Պաղեստինի բռնահարված ժողովրդի իրավունքների և Ղոդսի ազատագրման գաղափարի»:
Անդրադառնալով Պաղեստինի բռնահարված ժողովրդի իրավունքների պաշտպանության հարցում իր երկրի արդար դիրքորոշմանը և Ալժիրի անհամաձայնությանը որպես դիտորդ անդամ Սիոնիստական ռեժիմի անդամակցության շարունակմանը, որը հանգեցրել է այդ ռեժիմի անդամակցության կասեցմանը,Ալժիրի նախագահ Աբդոլմաջիդ Տաբբուն ասել է.«Չնայած Ալժիրը մեծ գին է վճարել հանուն արդարատենչության, սակայն նույն ոգով ու հզորությամբ կշարունակի իր այս ուղին»:
