Իրանը, Ռուսաստանը և Ադրբեջանն ընդգծել են էներգետիկ ոլորտում հարաբերությունների ընդլայնման անհրաժեշտությունը

Կատարի մայրաքաղաք Դոհայում կայացած հանդիպման ժամանակ, Իրանի, Ռուսաստանի և Ադրբեջանի էներգետիկայի նախարարները կարևորել են էներգետիկ ոլորտում տարածաշրջանային համագործակցության զարգացման անհրաժեշտությունը։

Երեքշաբթի օրը, Գազ արտահանող երկրների գագաթնաժողովի շրջանակներում, կայացել է Ալի Աքբար Մեհրաբյանի,  Նիկոլայ Շուլգինովի և  Փարվիզ Շահբազովի հանդիպումը։

Նախարարների քննարկման թեմաներից է եղել երեք երկրների էլեկտրացանցերի համաժամացման  և միացման նախագիծը և դրա գործարկումը:

Աշխարհագրական դիրքի շնորհիվ Իրանն ունի ունի 15 հարևան, և  տնտեսական, առևտրային, արդյունաբերական, մշակութային և զբոսաշրջային կարողությունների օգտագործումն այդ երկրների հետ հարաբերություններում, կարող է նպաստել երկկողմ և բազմակողմ հարաբերությունների զարգացմանը և տարածաշրջանում անվտանգության հաստատմանը: