Իրանական ընկերությունը ստացել է 113 հազար տոննոա տարողությամբ նավթատարի կառուցման պատվեր
Իրանի նավթատարների ազգային ընկերության գործադիր տնօրենը հայտարարել է, որ երկրի ներքին կարողությունների ամրապնդմանն ուղղված ընկերության ծրագրի շրջանակում, իրանական «Իզոյկո» ընկերությունը ստացել է «Աֆրամաքս» անվամբ նավթատար տանկերի կառուցման պատվեր:
Նշելով, որ տանկերի տարողությունը կազմելու է 113 հազար տոննա, Հոսեյն Շիվան ասել է. «Իրանի նավթատարների ազգային ընկերության պատվերով կառուցվող այս նավթատարը կլինի ներքին արտադրության առաջին նավը, որը կաշխատի LNG վառելիքով ու ծծմբի ցածր պարունհակությամբ մազութով»:
Հոսեյն Շիվան նաև ասել է, որ «Աֆրամաքս» լցանավը կլինի էկոլոգիապես մաքուր և նախագծելու ու կառուցվելու է Միջազգային ծովային կազմակերպության (IMO) վերջին չափանիշներին համապատասխան։
Տեխնոլոգիան, որով կառուցվելու է նավը, մրցունակ է միջազգային ասպարեզում և ցույց է տալիս իրանցի մասնագետների բարձր կարողությունները: Այն Իրանին կօգնի ինքնաբավ դառնալ բոլոր տեսակի նավերի կառուցման ոլորտում: