Իրանը 52 մլրդ դոլար առևտուր է իրականացրել հարևան երկրների հետ
Իրանի էկոնոմիկայի փոխնախարարն ասել է. «Իրանական 1400 թվականին հարևանների հետ Իրանի առևտուրը կշռի առումով 23% և արժեքային առումով 43% աճ է արձանագրել, հասնելով համապատասխանաբար՝ ավելի քան 100 մլն տոննայի և 51,9 մլրդ դոլարի»։
Երեքշաբթի օրը, Իրանի ռադիոհեռուստատեսության լրատվական գործակալության հաղորդման համաձայն, անդրադառնալով հարևան 15 երկրների հետ առևտրին, Իրանի մաքսային ծառայության գլխավոր տնօրեն և էկոնոմիկայի փոխնախարար Ալիռեզա Մողադասին ասել է.«13-րդ կառավարության շրջանում տարածաշրջանի երկրների, հատկապես հարևանների հետ Իրանի մերձեցման քաղաքականությունը երկրում արդյունահանումը մեծացնելու ջանքերին զուգահեռ, հանգեցրել է բոլոր երկրների, հատկապես հարևանների հետ առևտրի աճին»։
Մողադասին հավելել է.«1400 թվականին Իրանի և հարևան 15 երկրների միջև 51 միլիարդ 875 միլիոն դոլար արժողությամբ հարյուր միլիոն 131 հազար տոննա ապրանք է փոխանակվել, որից 26 միլիարդ 29 միլիոն դոլար արժողությամբ 75 միլիոն 445 հազար տոննա ապրանք արտահանվել է և 25 մլրդ 846 մլն դոլար արժողությամբ 24 մլն 686 հազար տոննա ապրանք ներկրվել»:
