Իրանի արտաքին գործերի նախարարություն է կանչվել Աֆղանստանի դեսպանատան հավատարմատարը
Իրանի արտաքին գործերի նախարարության Հարավային Ասիայի գլխավոր տնօրենը կանչել է Թեհրանում Աֆղանստանի դեսպանատան գործերի ժամանակավոր հավատարմատարին՝ Թեհրանի խիստ բողոքը հայտնելու Քաբուլում ԻԻՀ դեսպանատան և Հերաթում Իսլամական Հանրապետության գլխավոր հյուպատոսության վրա հարձակումների կապակցությամբ։
Քաբուլում ԻԻՀ դեսպանատան և Հերաթում Իրանի Իսլամական Հանրապետության գլխավոր հյուպատոսության առջև կայացած բողոքի ցույցերի և այդ դիվանագիտական վայրերի վրա քարեր նետելու պատճառով, Իրանի արտաքին գործերի նախարարության Հարավային Ասիայի գլխավոր տնօրեն Սեյեդ Ռասուլ Մուսավին կանչել է Թեհրանում Աֆղանստանի դեսպանատան հավատարմատարին և Թեհրանի խիստ բողոքը հայտնել տեղի ունեցած միջադեպերի կապակցությամբ:
Մուսավին Աֆղանստանի գործերի ժամանակավոր հավատարմատարին հայտնել է նաև, որ մինչև հետագա ծանուցումը Աֆղանստանում Իրանի Իսլամական Հանրապետության ներկայացուցչությունների հյուպատոսական բաժինները դադարեցրել են իրենց գործունեությունը՝ մինչև այդ երկրի արտաքին գործերի նախարարության կողմից վստահեցնեն, որ Իրանի դիվանագիտական կառույցների անվտանգությունը կապահովվի:
