Իրանը ձեռք է բերել ինքնաթիռների արադրության տեխնոլոգիա
ԻԻՀ բանակի համակարգողի տեղակալը հայտարարել է, որ Իրանը ձեռք է բերել ինքնաթիռների արտադրության տեխնոլոգիա։
Ծովակալ Հաբիբոլահ Սայարին ասել է. «Ավիացիայի ոլորտում հասել ենք մի դիրքի, որ հենվելով բանակի, զինված ուժերի և երկրի համալսարանների մասնագետների վրա, կարողանում ենք նոր ինքնաթիռներ կառուցել»:
Անդրադառնալով ռազմածովային ոլորտում Իրանի ձեռքբերումներին, նա ասել է.«Այսօր մենք այն սակավաթիվ երկրներից ենք, որ ունեն հրթիռային կայաններ և հածանավեր կառուցելու հնարավորություն, և մենք պնդում ենք, որ կարող ենք ստեղծել ռազմածովային ամենաառաջադեմ տեխնիկա»:
«Քոսար» չորրորդ սերնդի կործանիչի նախագծումն ու կառուցումն աշխարհին փոխանցեց Իրանի լիակատար ինքնաբավության մասին ուղերձը և որ Իրանի Իսլամական Հանրապետության զինված ուժերը տիրապետում են ինքնաթիռների կառուցման տեխնոլոգիային։