Ռաիսի. Իրանը ողջունում է Թեհրանի և Բրյուսելի միջև հարաբերությունների ամրապնդումը
ԻԻՀ նախագահ Սեյեդ Էբրահիմ Ռայիսին չորեքշաբթի օրը Բելգիայի վարչապետ Ալեքսանդր դե Կրոայի հետ հեռախոսազրույցի ժամանակ հայտարարել է, որ երկու երկրները տարիների ընթացքում զարգացրել են դիվանագիտական հարաբերությունները՝ հիմնված փոխադարձ հարգանքի և փոխշահավետության սկզբունքների վրա։
Ռայիսին հավելել է, որ Իրանի Իսլամական Հանրապետությունը ողջունում է Թեհրանի և Բրյուսելի միջև հարաբերությունների ամրապնդմանն ու ընդլայնմանն ուղղված ջանքերը։
Անդրադառնալով փոխգործակցության մակարդակը բարելավելու համար երկու երկրների համապատասխան ոլորտներին ու կարողություններին, նախագահ Ռայիսին հավելել է.«Երկկողմ հարաբերություններում պոտենցիալ կարողությունների ավելացումը կարող է լավ հիմք հանդիսանալ երկու երկրների միջև համագործակցության ընդլայնման համար»:
Բելգիայի վարչապետ Ալեքսանդր դե Կրոան այս հեռախոսազրույցում անդրադառնալով երկու երկրների հարաբերությունների երկար ու դրական պատմությանը և այդ հարաբերությունները Բելգիայի համար կարևոր որակելով, հույս է հայտնել, որ երկու երկրների պաշտոնյաների ջանքերով իր երկրի և Իսլամական Հանրապետության միջև հարաբերությունների և փոխգործակցության ընդլայնման գործընթացը կշարունակվի բարենպաստ կերպով և Բելգիան ձգտում է ամրապնդել երկկողմ հարաբերությունները հատկապես տնտեսական և հյուպատոսական ոլորտներում:
