Իրանի և Կուբայի միջև ստորագրվել է համագործակցության 13 փաստաթուղթ և փոխըմբռնման հուշագիր
Իրան-Կուբա համատեղ տնտեսական հանձնաժողովի 18-րդ նիստում կողմերի միջև ստորագրվել է 13 փաստաթուղթ և փոխըմբռնման հուշագիր։
Թեհրանում Իրան-Կուբա համատեղ տնտեսական հանձնաժողովի 18-րդ նիստի ավարտին, Առողջապահության, բուժման և բժշկական կրթության նախարար Բահրամ Այնոլլահին ասել է, որ 18-րդ համատեղ հանձնաժողովի ընթացքում վերջնական տեսքի է բերվել և ստորագրվել 13 փաստաթուղթ և փոխըմբռնման հուշագիր՝ կենսատեխնոլոգիայի, առողջապահության և բուժման, տնտեսագիտության, առևտրի, բանկային, սպորտի և գյուղատնտեսության ոլորտներում:
Անդրադառնալով կորոնավիրուսային համավարակին և Իրանի ու Կուբայի դեմ ԱՄՆ-ի կողմից սահմանված կրկնակի պատժամիջոցներին Այնոլլահին հավելել է.«Չնայած պատժամիջոցներին՝ երկու երկրները ոտքի կանգնեցին և մեծ հաջողություններ գարնցեցին կորոնավիրուսի դեմ պայքարում»։
Կուբայի փոխվարչապետ Ռիկարդո Կաբրեսիասն ասել է, որ Հավանան ցանկանում է իրանցի գործընկերներին հրավիրել մասնակցելու երկրի 2023 թվականի Համապարփակ զարգացման ծրագրին: