Իրանի ԱԳՆ քաղաքական հարցերով տեղակալի հանդիպումները նորվեգացի պաշտոնյաների հետ
Իրանի և Նորվեգիայի միջև քաղաքական խորհրդակցությունների տասներորդ փուլի շրջանակում, Իրանի ԱԳՆ քաղաքական հարցերով տեղակալը հանդիպել է այդ երկրի պաշտոնյաների հետ։
Ալի Բաղերի Քանին չորեքշաբթի օրը հանդիպել է Նորվեգիայի ԱԳՆ գլխավոր քարտուղար Տուրե Հաթրամի, նավթի և էներգետիկայի փոխնախարար Ամունդ Ուիքի և Նորվեգիայի արդյունաբերություն, ձկնորսության առևտրի փոխնախարար Վիդար Ուլրիքսենի հետ։ Հանդիպման ընթացքում քննարկվել են երկկողմ հետաքրքրություն ներկայացնող և քաղաքական, էներգետիկայի և ձկնորսության ոլորտներին վերաբերվող հարցեր:
Նորվեգիայում բնակվող մի խումբ իրանցիների հետ հանդիպման ժամանակ, Բաղերի Քանին ասել է.«Ազգային ինքնության պաշտպանության համար անհրաժեշտ պայմանը արտերկրում բնակվող իրանցիների շարունակական կապն է հայրենիքի հետ»։
Ընդգծելով Իրանի զարգացման և առաջընթացի գործում կառավարության, հատկապես՝ Արտաքին գործերի նախարարության հատուկ ուշադրությունն արտերկրում գտնվող իրանցիների արդյունավետ փոխգործակցությանը, Բաղեռի Քանին հույս է հայտնել, որ Նորվեգիայում բնակվող իրանցիները կլինեն իրանական քաղաքակրթության, մշակույթի և մեծ ժողովրդի արժանի ներկայացուցիչները արտերկրում։
