Իրանի երկաթուղիներն ու ճանապարհները միջազգային փոխադրումների համար ամենաանվտանգ երթուղին են
Իրանի արտաքին գործերի տնտեսական դիվանագիտության հարցերով փոխնախարարը Իրանի երկաթուղիներն ու ճանապարհներն անվանել է ամենաանվտանգ միջազգային տրանսպորտային ուղիները:
Եվրոպական, կովկասյան և ասիական միջանցքների միջազգային հանձնաժողովի (ՏՐԱՍԵԿԱ) գլխավոր քարտուղար Ասավբաևը շաբաթ օրը հանդիպել է Իրանի արտաքին գործերի նախարարության տնտեսական դիվանագիտության հարցով փոխարտգործնախարար Մեհդի Սաֆարիի հետ։
Մեհդի Սաֆարին ասել է.«Իրանի երկաթուղային և ավտոմոբիլային երթուղիներն ամենաանվտանգ տրանսպորտային ուղիներն են: Ներկա իրավիճակում, Իրանի տարանցիկ ենթակառուցվածքները և հնարավորությաունները ծառայում են բեռների միջազգային տարանցմանը»:
ՏՐԱՍԵԿԱ-ի գլխավոր քարտուղար Ասավբաևը հայտարարել է, որ Իրան կատարած իր այցի նպատակն է առավելագույնս օգտագործել երկրի տարանցիկ երթուղիները՝ Կենտրոնական Ասիայի երկրներից Եվրոպա ապրանքներ տեղափոխելու համար։
Անդրադառնալով տարածաշրջանում ստեղծված նոր իրավիճակին՝ ՏՐԱՍԵԿԱ-ի գլխավոր քարտուղարն ասել է. «Ներկայումս Կենտրոնական Ասիայից Կասպից ծովով և Ադրբեջանի Հանրապետությունով Եվրոպա փոխադրվող ապրանքների ծավալն ավելին է, քան առկա հնարավորությունները: Ուստի Իրանի տարածքով անցնող երթուղիներն այժմ շատ կարևոր են»։
Եվրոպական, կովկասյան և ասիական միջանցքների հանձնաժողովը ստեղծվել է 1998 թվականին՝ 12 անդամ երկրներով, որի կենտրոնը գտնվում է Բաքվում։
Իրանի Իսլամական Հանրապետությունն 2009 թ. միացել է այս միջազգային միջանցքին:
