Բայդենի տարածաշրջանային այցի դեմ բողոքող իրանցի ուսանողներն այրել են ամերիկյան դրոշը
Թեհրանի համալսարանների մի խումբ ուսանողներ շաբաթ օրը քաղաքի Պաղեստինի հրապարակում բողոքի ցույց են անցկացրել՝ Սաուդյան Արաբիա Բայդենի այցի դեմ։
Ուսանողները վանկարկել են «Մահ՝ Ամերիկային», «Մահ՝ Իսրայելին» և «Մահ՝ Սաուդյան Արաբիային» կարգախոսները և դատապարտել բռնատիրական ճակատի թշնամական գործողությունները։
Ցուցարարները կրել են «ԱՄՆ-ին վստահել չի կարելի», «ՄԱԿ-ը գտնվում է սաուդյան դոլարների ճնշման տակ», «Մահ՝ Ամերիկային», «Մահ՝ Իսրայելին», «Սեփական անվտանգությունն ապահովելու հարցում անկարող ռեժիմն ինչպե՞ս կարող է ապահովել ուրիշների անվտանգությունը» գրություններով պաստառներ: Նրանք դատապարտել են ԱՄՆ նախագահի այցը Սաուդյան Արաբիա և Սիոնիստական ռեժիմի ու արաբական երկրների միջև հարաբերությունների կարգավորմանն ուղղված նրա ջանքերը:
Ցույցի մասնակիցներն այրել են ԱՄՆ-ի ու Սիոնիստական ռեժիմի դրոշները: