Իրանի պաշտպանության նախարար. Սիոնիստական ռեժիմի ներկայությունը տարածաշրջանում անապահովությունից բացի այլ արդյունք չունի
Իրանի պաշտպանության նախարարն ասել է. «Արևմտյան Ասիայի տարածաշրջանում Սիոնիստական ռեժիմի ներկայությունը անապահովությունից բացի այլ արդյունք չի ունենա: Ռեժիմը փորձում է օրինականություն ձեռք բերել պառակտումներ ստեղծելով իսլամական երկրների միջև։
Երեքշաբթի օրը բրիգադի գեներալ Մոհամմեդ Ռեզա Աշթիանին Թեհրանում Օմանի նավատորմի հրամանատար ծովակալ Սեյֆ բեն Նասեր Ալ Հարբիի հետ հանդիպման ժամանակ հայտարարել է, որ Արևմտյան Ասիայում տարբեր երկրների լայնածավալ ռազմական ներկայությունը լարվածություն է ստեղծել տարածաշրջանի անվտանգության համար և ավելի բարդացրել իրավիճակը:
Նա ընդգծել է, որ Իրանի Իսլամական Հանրապետության համոզմամբ՝ արտաքին ուժերի ներկայությունը չի օգնի տարածաշրջանի անվտանգությանը, իսկ տարածաշրջանի անվտանգությունը կարող է ապահովվել միայն տարածաշրջանի բոլոր երկրների համագործակցությամբ։
Բրիգադի գեներալ Ամիր Աշթիանին, անդրադառնալով ԱՄՆ նախագահ Ջո Բայդենի վերջերս արևմտյան Ասիա կատարած այցին, ասել է. «Այս այցը չի կարող համահունչ լինել տարածաշրջանում կայունության և անվտանգության հաստատման հետ»։
Ծովակալ Սեյֆ բեն Նասեր ալ-Հարբին ասել է, որ օտարերկրացիները մտածում են միայն իրենց շահերն ապահովելու մասին, հավելելով.«Տարածաշրջանի անվտանգությունն առաջին հերթին ապահովում են տարածաշրջանի երկրները»։
