Ամիր Աբդոլլահյան. Իրանի և իրանցիների դեմ ուղղված սպառնալիքների լեզուն անարդյունավետ է
Իրանի արտաքին գործերի նախարարը, թվիթերյան գրառմամբ Սպիտակ տան պաշտոնյաներին հիշեցրել է, որ Իրանի և իրանցիների դեմ սպառնալից լեզվի կիրառումն անարդյունավետ է:
ԻՌՆԱ-ի հաղորդման համաձայն, Հոսեյն Ամիր Աբդոլլահյանը շաբաթ օրը Twitter-ում գրել է. «Մեղքն ուրիշի վրա բարդելով, Սպիտակ տունը չի կարող ազատվել այն պատասխանատվությունից, որ կրում է Իրանի և տարածաշրջանի ժողովուրդների դեմ ուըղղված և հազարավոր կյանքեր խլած բազմաթիվ ահաբեկչական հանցագործություններ կատարելու համար»:
Ավելի վաղ, իր թուրք գործընկեր Մևլութ Չավուշօղլուի հետ հեռախոսազրույցում, անդրադառնալով պատժամիջոցների վերացման շուրջ Վիեննայում տեղի ունեցած վերջին բանակցություններին, Ամիր Աբդոլլահյանն, ասել էր. «Հուսով ենք, որ ամերիկյան կողմը իրատեսություն կդրսևորի և ընդունելով Իրանի օրինական պահանջները հող կապահովի վերջնական տեքստի շուրջ համաձայնության հասնելու համար»։
