ԻՀՊԿ գլխավոր հրամանատարի խորհրդական. Իրանի հրթիռային հզորությունը գերազանց վիճակում է
Հուլիս 02, 2025 10:03 Asia/Tehran
Pars Today-ի փոխանցմամբ՝ անդրադառնալով Սիոնիստական ռեժիմի ցանկացած հնարավոր ագրեսիային դիմակայելու ԻԻՀ ԶՈՒ պատրաստակամությանը, բրիգադի գեներալ Ահմադ Վահիդին ասել է․ «Իրանի հրթիռային հզորությունը գերազանց վիճակում է՝ սիոնիստ թշնամուն արձագանքելու համար, և իսլամի զինվորները նախապատրասվել են ցանկացած թշնամական գործողության արձագանքելու համար»։
«Ալ-Ալամ»-ին տված հարցազրույցում, պատասխանելով Սիոնիստական ռեժիմի կողմից հրադադարի խախտման հնարավորության վերաբերյալ հարցին, գեներալ Վահիդին ընդգծել է, որ Իրանի զինված ուժերը լիովին պատրաստ են դիմակայել ցանկացած տեսակի սպառնալիքի։
Նա ասել է․«Թշնամու կողմից որևէ սադրիչ գործողության դեպքում Իրանի պատասխանը կլինի վճռական, արագ և կործանարար, և Սիոնիստական ռեժիմը ծանր գին կվճարի»։