Իրանի արձագանքն ԱՄՆ-ի հայտարարությանը. ԱՄՆ ներկայությունը Սիրիայում անօրինական է և դատապարտելի
Իրանի ԱԳՆ խոսնակը Սիրիայում ԱՄՆ-ի ներկայությունը և Սիրիայի անկախության ու տարածքային ամբողջականության պաշտպանների դեմ իրականացրած ոտնձգությունը համարել է անօրինական և դատապարտել է այն։
Ուրբաթ օրը, Նասեր Քանանի Չաֆին իր թվիթերյան միկրոբլոգում գրել է.«ԱՄՆ-ն Սիրիայի ժողովրդական խմբավորումների և հակաահաբեկչական ուժերի վրա իր բանակի հարձակումներն անվանել է «ուղիղ պատասխան՝ ամերիկյան ռազմական ուժերի դեմ շարունակական հարձակումներին և սպառնալիքներին»։
Իրանի ԱԳՆ խոսնակը հստակեցրել է.«Ճշմարտությունն այն է, որ Սիրիայում օկուպանտ ԱՄՆ-ի ներկայությունը և Սիրիայի անկախության և տարածքային ամբողջականության պաշտպանների դեմ ԱՄՆ-ի կողմից իրականացվող ագրեսիան անօրինական է և դատապարտելի»։
2022 թվականի օգոստոսի 23-ին ամերիկացի զինվորականները Բայդենի հրամանով հարձակումներ են իրականացրել Սիրիայի արևելքում գտնվող օբյեկտների վրա։
ԱՄՆ նախագահը պնդել է, որ այդ օբյեկտներն օգտագործվում են Իրանի կողմից աջակցվող խմբավորումների կողմից և անօդաչու սարքերով, հրթիռներով և ականանետներով հարձակվել են Սիրիայում ամերիկյան ուժերի և օբյեկտների վրա:
