Իրանը տիեզերական տեխնոլոգիաներ ունեցող 10 երկրների շարքում է
ԻԻՀ-ի կապի և տեղեկատվական տեխնոլոգիաների նախարարն ասել է.«Իրանը ներկայումս գտնվում է տիեզերական տեխնոլոգիաներ ունեցող 10 երկրների թվում, և մենք նախատեսում ենք մինչև 13-րդ կառավարության ավարտը Երկրի ուղեծրում տեղադրել նաև ծանր արբանյակներ»։
Իսա Զարեփուրը 13-րդ կառավարության անցած տարվա ձեռքբերումներից մեկы համարել 1 հարևան երկրների և այլ երկրների հետ հարգալից փոխգործակցությունն ու շփումը և հավելել. «Մինչ այժմ ավելի քան հարյուր առևտրային պատվիրակություններ են ուղևորվել Իրան և տարբեր երկրներ: Բացի այդ արդեն ներգրավվել կամ կատարվում են տասնյակ միլիարդավոր դոլարների օտարերկրյա ներդրումներ»։
Կապի և տեղեկատվական տեխնոլոգիաների նախարարը խոսել է նաև Ռուսաստանի հետ համագործակցությամբ «Խայամ» արբանյակի արձակման մասին և հավելել .««Խայամ» արբանյակից ստացված պատկերները շուտով կհրապարակվեն»։
Իրանի տիեզերական կազմակերպության ղեկավար Հոսեյն Սալարին նույնպես հայտարարել է ինտերնետ արբանյակների համակարգի կառուցման ծրագրի մասին: Նա նշել է.«Հիմնվելով երկրի 10-ամյա տիեզերական ծրագրի վրա՝ կազմակերպությունը ծրագրում է կառուցել ինտերնետ արբանյակների համակարգ, որպեսզի ապահովի արբանյակային ինտերնետ ենթակառուցվածք»:
Իրանական «Խայամ» արբանյակն ավելի վաղ արձակվել էր «Սոյուզ» արբանյակակրով Ղազախստանի տիեզերակայանից։ Խայամ արբանյակը կշռում է 600 կգ և տեղադրվել է երկրից 500 կմ հեռավորության վրա գտնվող ուղեծրում։
Թեև թշնամիները բոլոր տեսակի պատժամիջոցներով փորձել են կանխել տնտեսական և գիտական առաջընթացը, այդ թվում՝ Իրանի տիեզերական արդյունաբերության ոլորտում, սակայն, չնայած բոլոր սահմանափակումներին և ճնշումներին, ԻԻՀ-ն ձեռք է բերել տիեզերական և տիեզերքին առնչվող մի շարք տեխնոլոգիաներ, որոնք պետք է համարել մեծ հաջողություն իսլամական Իրանի համար։