Իրանի ԱԳ նախարար. Գործակալության նիստում հրապարակված ոչ կառուցողական հայտարարությունը որևէ ազդեցություն չունի
Իրանի արտաքին գործերի նախարարն անարդյունավետ է անվանել Իրանի դեմ Ատոմային էներգիայի գործակալության կառավարիչների խորհրդի նիստում ոչ կառուցողական հայտարարության հրապարակումը։
ՄԱԳԱՏԷ-ի Կառավարիչների խորհրդի նիստը մեկնարկել է երկուշաբթի օրն Ավստրիայի մայրաքաղաք Վիեննայում տեղակայված՝ կազմակերպության կենտրոում։
Ատոմային էներգիայի միջազգային գործակալության գլխավոր տնօրեն Ռաֆայել Գրոսին երկուշաբթի օրը կայացած մամուլի ասուլիսում անհիմն հայտարարություններ է արել Իրանի միջուկային ծրագրի վերաբերյալ, պնդելով, թե Իրանը չի պատասխանել երեք միջուկային օբյեկտնեռի վերաբերյալ գործակալության հարցերին։
Իրանի և Օմանի ԱԳ նախարարներ Հոսեյն Ամիր Աբդոլլահյանը և Բադր Ալբուսաիդին չորեքշաբթիօրը հեռախոսազրույցի ընթացքում մտքեր են փոխանակել պատժամիջոցների չեղարկման հետ կապված վերջին զարգացումների շուրջ։
Ամիր Աբդոլլահյանն այս զրույցում ընդգծել է Իրանի Իսլամական Հանրապետության հավատարմությունը երկխոսության գործընթացին և պատժամիջոցների վերացման հաղորդագրությունների փոխանակմանը և անդրադառնալով ստեղծված իրավիճակում համաձայնության հասնելու կողմերի ջանքերին, նշել է, որ ԱՄՆ-ն պետք է քաղաքական կամք դրսևորի:
Հեռախոսազրույցում Օմանի արտգործնախարար Բադր Ալբուսաիդին ընդգծելով համաձայնության հասնելու և բոլոր կողմերին ստանձնած պարտավորություններին վերադարձնելու կարևորությունը, բարձր գնահատելով Իրանի կառուցողական դերը Վիեննայի բանակցությունների գործընթացում, ընդգծել է բանակցությունների արդյունավորման ուղղությամբ ջանքեր գործադրելու անհրաժեշտությունը։
