Ռայիսի. Իրանի իրավունքն է կայուն երաշխիք պահանջել՝ նկատի ունենալով Արևմուտքի խոստմնադրժությունը
ԻԻՀ նախագահն ասել է.«ՀԳՀԾ-ի վերականգնման համաձայնությունը Իրանին պետք է երաշխիքներ տրամադրի»:
Իրանի Իսլամական Հանրապետության նախագահը Սեյեդ Էբրահիմ Ռայիսին, «Ալ Ջազիրա» հեռուստաալիքին տված հարցազրույցում, ընդգծելով, որ յուրաքանչյուր համաձայնագիր պետք է ուղեկցվի երաշխիքով, ասել է. «Ամերիկացիներն էին, որ դուրս եկան համաձայնագրից, և եվրոպական երկրներն էին, որ չկատարեցին իրենց պարտավորությունները»։
Ռայիսին նշել է, որ պատժամիջոցների վերացումը պետք է ուղեկցվի լրացուցիչ արձանագրության հետ կապված հարցերի կարգավորմամբ: Նա հավելել է, որ եթե Իրանի դեմ քաղաքական և անհիմն մեղադրանքների հնչեցումը շարունակվելու է, ապա համաձայնագիրը ոչ մի ազդեցություն և օգուտ չի ունենա։
Ռայիսին ընդգծել է. «Արևմուտքի հայտարարած երաշխիքները պետք է հուսադրող լինեն Իսլամական Հանրապետության համար: Իրանը գործ չունի այն երկրի կամ երկրների հետ, որոնք կատարել են իրենց պարտավորությունները: Մենք գործ ունենք ԱՄՆ-ի հետ, որը խախտել է պայմանագիրը և ընդունում դա: Ամերիկացիները պետք է մեզ երաշխիքներ տրամադրեն»:
