Նասեր Քանանին քննադատել է Իրանի նկատմամբ Արևմուտքի ու ԱՄՆ-ի երկակի վերաբերմունքը
Անդրադառնալով Իրանում վերջին անկարգություններևի հրահրման հարցում արևմտյան ԶԼՄ-ների դերին, ԻԻՀ ԱԳՆ խոսնակ Նասեր Քանանին ասել է. «Ամոթալի է, որ արևմտյան պաշտոնյաներն ու խոսնակները, որոհնք ցանկանում են առավելագույն ճնշման և պատժամիջոցների քաղաքականության միջոցով ծնկի բերել Իրանի ժողովրդին, այսօր իրենց ներկայացնում են որպես Իրանի ժողովրդի աջակիցներ»:
Նա հավելել է. «Իարնի ժողովրդի թշնամիների երկերեսանիությունն ու կեղծավորթյունը վերջ չունի»:
Ավելի վաղ, Instagram-ի իր էջում անդրադառնալով Իրանում տեղի ունեցող անկարգությունների մասնակիցներին ԱՄՆ-ի և Եվրոպայի աջակցությանը, Քանանին գրել էր. «Նրանք, ովքեր այսօր հայտարարում են թե պաշտպանում են Իրանի ժողովրդի իրավունքները, պետք է մի կողմ դնեն իրենց կեղծ կարգախոսները և վերջ դնեն տասնամյակների դաժան և անմարդկային պատժամիջոցներին նույն ժողովրդի դեմ»:
Արևմտյան կառավարություններին առընթեր հակաիրանական ԶԼՄ-ները կեղծ տեղեկություններ և լուրեր են տարածում Իրանում տեղի ունեցող իրադարձությունների մասին:
