Թեհրանի գիլդիաների ներկայացուցիչների և շուկայավարների հավաքը՝ ի պաշտպանություն իսլամական հեղափոխության իդեալների
Չորեքշաբթի առավոտյան Թեհրանի շուկայավարները, գործարարներն ու գիլդիաների ներկայացուցիչները, հավաքվել են Թեհրանի մեծ շուկայում գտնվող Իմամ Խոմեյնիի անվան մզկիթում և դատապարտել են Իրանի Իսլամական Հանրապետության սրբությունները և Սուրբ Ղուրանը անարգելը և երկրում տիրող անկարգությունները:
Այն դեպքում երբ արևմտյան լրատվամիջոցները փորձում են ստիպել շուկայավարներին ու գործարարներին դադարեցնել իրենց բիզնեսը և գործադուլ հայտարարել, տարբեր գիլդիաների գործարարները հավաքվել և իրենց ատելությունն են հայտնել տիրող անկարգությունների ու խռովոթյունների նկատմամբ։
Այս հավաքին ներկա է գտնվել Թեհրանի «Մոհամմադ մարգարե»-ի անվան կորպուսի հրամանատար Գեներալ Հասան Հասանզադեն: Նա անդրադառնալով վերջին անկարգություններին, ասել է.«Այսօր սա համաշխարհային խռովություն է Իրանի դեմ, որը զսպվեց ժողովրդի զգոնության շնորհիվ»:
Նա հավելել է. «Իրանցիները պետք է հպարտանան իրենցով, քանի որ թեև ԱՄՆ-ն ունի ուժ, բայց իրեն թույլ չտվեց ուժ կիրառել Իրանի դեմ։ Սա նկատվեց դիմադրության նահատակ հրամանատար Հաջ Ղասեմ Սոլեյմանիի նահատակությունից հետո, երբ Իրանը թիրախավորեց Այն ալ-Ասադում գտնվող ամերիկյան բազան, սակայն չնայած սպառնալիքներին ԱՄՆ-ը որևէ քայլ չձեռնարկեց»։