Կովկասում Սիոնիստական ռեժիմի ներկայությունը սպառնում է տարածաշրջանի ժողովուրդներին
Ընդգծելով, որ հյուսիս-արևմուտքի և Արաքսի սահմանների կայունությունն Իրանի համար չափազանց կարևոր է, ԻՀՊԿ ցամաքային զորքերի համակարգողի տեղակալը հայտարարել է. «Ադրբեջանը և Հայաստանը սպառնալիք չեն Իրանի Իսլամական Հանրապետության համակարգի համար, սակայն այնտեղ տեղի ունեցող որոշ իրադարձություններ սպառնալիք են համարվում»։
ԻՀՊԿ ցամաքային զորքերի հրամանատարների հետ հանդիպմանն, Ալի Աքբար Փուրջամշիդյանը լուրջ սպառնալիք է համարել Սիոնիստական ռեժիմի ներկայությունը տարածաշրջանում և հավելել. «Տարածաշրջանի երկրների զինված ուժերի միջև սերտ համագործակցությամբ հնարավոր է հիմք դնել տարածաշրջանի դիվանագիտության և անվտանգության համար»:
Անդրադառնալով երկրի հյուսիսարևմտյան շրջանում բանակի և ԻՀՊԿ համատեղ «Հզոր Իրան» զորավարժությունների անցկացմանը, Փուրջամշիդյանը հավելել է. «Այս զորավարժությունները ներառված են ԻՀՊԿ ցամաքային զորքերի զորավարժությունների ծրագրում և լուրջ զորավարժությունների թվում են»։
Նա նշել է. «Մենք ամեն տարի տարբեր զորավարժություններ ենք անցկացնում, և Արաքսի շրջանը, որպես սահմանային կետերից մեկը, մեծացնում է զորավարժությունների կարևորությունը»։
Նշելով, որ Սիոնիստական ռեժիմի ներկայությունը Կովկասում սպառնալիք է տարածաշրջանի ժողովուրդների համար և հավելելով, որ այս տարածաշրջանի սահմանների փոփոխությունն անընդունելի է, նա ասել է. «Իրանի տնետսության զգալի մասը կապված է այս սահմանամերձ շրջանի հետ և մենք չենք կարող անտարբել լինել այս սպառնալիքների նկատմամբ»:
Անընդունելի համարելով օտարերկրացիների ներկայությունն այս տարածքում, Փուրջամշիդյանը հավելել է. «Յուրաքանչյուր զորավարժություն, որն անցկացվում է, ուղերձ ունի: Մեր ուղերձը խաղաղությունն է: Եթե մենք անտարբեր լինենք, նրանք անապահովություն կբերեն այս շրջան»:
Փուրջամշիդյանը նշել է. «Եթե տարածաշրջանում կա վեճ, այն չպետք է վերածվի հակամարտության կամ պատերազմի: Այդ վեճը կարելի է լուծել փոխգործակցության և երկխոսության միջոցով»։