Իրանական արտադրության 40 տուրբինների Ռուսաստան արտահանման մասին պայմանագիր է ստորագրվել

Իրանի գազի ճարտարագիտության և զարգացման ընկերության գործադիր տնօրենը հայտնել է,որ իրանական արտադրության 40 տուրբինների Ռուսաստան արտահանման մասին պայմանագիր է ստորագրվել:

Ինչպես հաղորդում է ԻՌՆԱ լրատվական գործակալությունը, Իրանի գազի ճարտարագիտության և զարգացման ընկերության գործադիր տնօրեն Ռեզա Նոշադին անդրառնալով  գազի արդյունաբերության առաջընթացին, հնարավորություններին ու մարտահրավերներին և նշելով,  որ գազի արդյունաբերության համար անհրաժեշտ օբյեկտների և սարքավորումների 85 տոկոսը կառուցվել է երկրի ներսում, ասել է.«Իրանական արտադրության 40 տուրբինների Ռուսաստան արտահանման մասին պայմանագիր է ստորագրվել»:

Ընդգծելով, որ պատժամիջոցների ժամանակաշրջանում ունեցել ենք գազի արդյունաբերության փայլուն ձեռքբերումներ, Իրանի գազի ճարտարագիտության և զարգացման ընկերության գործադիր  տնօրենն ասել.«Իրանի գազի արդյունահանումը պատժամիջոցների ժամանակաշրջանում կրկնապատկվել է»։

Անդրադառնալով ինքնաբավության հասնելու անկախ երկրների ջանքերը խափանելու համար գերտերությունների դավադրությանը՝ Նոշադին հստակեցրել է.«Իրանին հարվածելու նպատակով ժողովրդավարության, ազատության և մարդու իրավունքների հավակնորդների չարամիտ գործողությունները շարունակվում են, սակայն այդ գործողությունները ձախողվել են իրանցի երիտասարդների ջանքերի շնորհիվ»։