Իրանի հյուսիս-արևմուտքում չեզոքացվել է հակահեղափոխական ցանցի հետ կապված խումբ

Իրանի Արդաբիլ նահանգում ԻՀՊԿ հետախուզական կազմակերպությունը հայտարարել է հակահեղափոխական շարժումների հետ կապված ցանցի երեք անդամների ձերբակալության մասին:

Հայտարարության մեջ ասվում է, որ խմբի անդամները ծրագրում էին իրականացնել Իրանի ազգային անվտանգության դեմ ուղղված գործողություններ և  մոլոտովի կոկտեյլների կիրառմամբ վնաս պատճառել պետական ու ռազմական շինություններին, սակայն Կորպուսի հետախուզական գործողության ժամանակ ձերբակալվել են:

Նշվում է նաև, որ խմբի անդամները կապ են ունեցել հակահեղափոխական ԶԼՄ-ների հետ և սոցիալական ցանցերում բազմաթիվ կեղծ հաշիվներ ստեղծելով, փորձել են ապակողմնորոշել հանրությանը, հրապարակել են կեղծ լուրեր  և ուղղորդել անկարգությունների մասնակիցներին: