Խորհրդարանի ազգային անվտանգության հանձնաժողովի նախագահ. Իրանը վերականգնում է իր դիրքերը տարածաշրջանային համաձայնագրերում
Իրանի Իսլամական խորհրդարանի Ազգային անվտանգության և արտաքին քաղաքականության հանձնաժողովի ղեկավարն ասել է.«Իրանը վերականգնում է իր դիրքերը տարածաշրջանային համաձայնագրերում»։
Իրանի խորհրդարանական պատվիրակությունը մեկնել է Մոսկվա՝ մասնակցելու Հավաքական անվտանգության ֆորում կոչվող հանդիպմանը։
Հավաքական անվտանգության ֆորումի հանդիպումն անցկացվում է նախագահների և խորհրդարանների նախագահների մակարդակով։
Իսլամական խորհրդարանի Ազգային անվտանգության և արտաքին քաղաքականության հանձնաժողովի ղեկավար՝ Վահիդ Ջալալզադեն «Խաբար» հեռուստաալիքի հետ զրույցում, անդրադառնալով Ռուսաստան կատարած իր վերջին այցին, ասել է. «Այսօր աշխարհը հեռանում է միաբևեռությունից, և տարածաշրջանային դաշինքներն ու կոալիցիաները թափ են ստանում և Իրանը լավ է դրսևորվել այս ոլորտում»։
«Մենք դարձել ենք Շանհայի համագործակցության կազմակերպության անդամ և վերջին քայլերն ենք անում Եվրասիական միության անդամ դառնալու համար։ Նաև դիմել ենք BRICS-ին անդամակցելու համար, և դա ցույց է տալիս, որ մենք վերականգնում ենք մեր դիրքերը տարածաշրջանային դաշինքներում»,-ասել է Ջալալզադեն:
Անդրադառնալով Ռուսաստանի դեմ ԱՄՆ-ի և Եվրոպայի պատժամիջոցների կիրառմանը, խորհրդարանի Ազգային անվտանգության և արտաքին քաղաքականության հանձնաժողովի նախագահն ասաց. «Ներկայումս Ռուսաստանի շուկան պատրաստ է ընդունել իրանական ապրանքները, և մեր մասնավոր հատվածը պետք է օգտվի այդ հնարավորությունից»։
