Հայաստանի տարածքով Իրանի և Վրաստանի հաղորդակցության ենթակառուցվածքների ամբողջականացումը
Իրանի հյուսիս-արևմուտքում գտնվող Արևելյան Ատրպատականի նահանգապետը Հայաստանի տարածքով Իրանի և Վրաստանի հաղորդակցության ենթակառուցվածքի ամբողջականացումը համարելով այս երկրի հետ հարաբերությունների զարգացման անհրաժեշտություններից մեկը, ասել է.«Որպես առևտրային մայրուղիներից մեկը՝ այս ճանապարհի ակտիվացումը կարող է հեշտացնել երկու երկրների գործարարների շփումը և հիմք ստեղծել հետագա լայնածավալ հաղորդակցության համար»։
Աբեդին Խորրամը, ներկայացնելով պողպատի արտադրության, մասերի պատրաստման, առևտրային մեքենաների արտադրության, ջերմոցային մշակման, սննդամթերթի, կենցաղային իրերի, և մասնագիտացված արդյունաբերական ավանների ոլորտներում նահանգի հնարավորությունները, ասել է.«Արևելյան Ատրպատականը բազմաթիվ արտադրական արդյունաբերություններում երկրի առաջատար նահանգներից է համարվում,որը կարող է բավարարել տարածաշրջանի և հարևան երկրների շուկաների հիմնական կարիքները»:
Նշելով, որ Արևելյան Ատրպատականն ունի հզոր մասնավոր հատված, նա հավելել է.«Թավրիզը փայլուն անցյալ ունի առևտրի ոլորտում, և եթե մենք կարողանանք ասպարեզ հանել մասնավոր հատվածը, իսկ պետական հատվածը վերացնի խոչընդոտները, մենք արտաքին հաղորդակցության ոլորտում հիմնարար վերափոխման ականատեսը կլինենք»:
Անդրադառնալով Վրաստանի դիրքին և այս երկրի հնարավորություններին՝ Արևելյան Ատրպատականի նահանգապետը նշել է, որ Եվրոպային և ԱՊՀ երկրներին հասանելիություն ունենալու բերումով, այս երկրի հետ առևտրային հարաբերությունների և փոխանակումների զարգացումը նահանգի առաջնահերթություններից է։
Անդրադառնալով Վրաստանի Հանրապետության աշխարհաքաղաքական դիրքին և որոշ առավելություններին, այդ թվում արտոնյալ ազատ սակագներին և այս երկրում տարանցիկ միջանցքների առկայությանը, Վրաստանում Իրանի Իսլամական Հանրապետության դեսպան Մահմուդ Ադիբն ասել է.« Վրաստանը կարող է լինել մեր երկրի գործարարների և ներդրողների համար շատ լավ թիրախային երկրներից մեկը»։