Իրանի արտգործնախարար. Մենք չենք լքի բանակցությունների սեղանը
Իրանի ԱԳ նախարարն ասել է. -«Իրանի Իսլամական Հանրապետությունը հաստատակամ է դիվանագիտության և բանակցային ճանապարհին, և մենք պահպանելով ազգային շահերը կշարունակենք մեր ջանքերը բանակցություններն ամփոփելու ուղղությամբ»։
Հոսեյն Ամիր Աբդոլլահյանը երեքշաբթի օրը Թեհրանում կայացած «Դիմադրության դիվանագիտություն, հարգանքի տուրք հանգուցյալ Հոսեյն Շեյխ ալ-Էսլամիին» համաժողովում ասել է.«Ամերիկյան և արևմտյան կողմերին մենք հստակ ասել ենք, որ Իրանի լուրջ օրակարգում են դրված կարմիր գծերի հարգումը, ազգային շահերի ապահովումը և միևնույն ժամանակ համաձայնության հասնելը, որին բոլոր կողմերը ցույց կտան իրենց հավատարմությունը»։
Իրանի արտաքին գործերի նախարարը հստակեցրել է.- «Մենք հավատարիմ ենք «ո՛չ արևելք և ո՛չ արևմուտք» սկզբունքով առաջնորդվող քաղաքական անկախության ուղուն, բայց միևնույն ժամանակ հետևում ենք աշխարհի Արևելքի և Արևմուտքի հետ մեր արտաքին հարաբերություններին , և որտեղ կան շահեր Իրանի սիրելի ու մեծ ժողովրդի համար, մենք այնտեղ ենք»:
Ամիր Աբդոլլահյանն ասել է.«Մենք չենք նահանջելու Պաղեստինի և դիմադրության հարցից, Ուկրաինայի, Աֆղանստանի, Եմենի և Պաղեստինի տեղահանված կանայք և երեխաները մեր ընդհանուր ցավն են, և մենք դեմ ենք պատերազմին և Ուկրաինայում չենք օգնում պատերազմի կողմերից որևէ մեկին»։
Նշելով, որ մենք հավատում ենք, որ տարածաշրջանային բոլոր խնդիրներն ու մարտահրավերները չեն լուծվելու պատերազմով, որը սխալ, ոչ ճիշտ և անարդյունավետ ճանապարհ է, այլ երկխոսության, բանակցությունների, համաձայնագրի միջոցով կկարգավորվեն, Իրանի արտաքին գործերի նախարարը հույս հայտնեց, որ տարածաշրջանը և աշխարհը լի կլինեն խաղաղությամբ, անվտանգությամբ և առաջընթացով:
