Իրանի և Ռուսաստանի բանկային համակարգերը կմիացվեն՝ SWIFT-ը շրջանցելու նպատակով

ԻԻՀ կենտրոնական բանկի միջազգային հարցերով փոխնախագահը հայտարարել է, որ Իրանի և Ռուսաստանի բանկային համակարգերի միացմամբ, SWIFT-ի կարիք այլևս չի լինի:

Իրանի ռադիոհեռուստատեսության լրատվական գործակալության փոխանցմամբ՝  Մոհսեն Քարիմին ասել է. «Գերտերություններն ունենալով համաշխարհային մակարդակով միջազգային բանկային ենթակառուցվածքներ, պատժամիջոցներ են սահմանում երկրների դեմ, որոնցից մեկը վերաբերվում է միջբանկային հաղորդագրությունների SWIFT համակարգին»:

Նա հավելել է, որ Իրանի ու Ռուսաստանի առևտրային բանկերի հաղորդագրությունների միացման արդյունքում, SWIFT-ի կարիք այլևս չի լինի, ինչը թույլ կտա շրջանցել պատժամիոջցների հետևանքով առաջացած խոչընդոտներից մեկը։