Իրանը և Ռուսաստանը բանակցություններ են վարում համատեղ նավագնացային ընկերություն ստեղծելու շուրջ
Ռուսաստանում Իրանի դեսպանը հայտարարել է Ռուսաստանի հետ համատեղ նավագնացային ընկերություն ստեղծելու բանակցությունների մասին:
Ռուսաստանում Իրանի դեսպան Քազեմ Ջալալին «Ռոսիա 24» հեռուստաալիքին տված հարցազրույցում ասել է. «Երկու երկրները քննարկում են համատեղ նավագնացային ընկերություն ստեղծելու հնարավորությունը»։
Ջալալիի խոսքով, Իրանի և Ռուսաստանի նավահանգիստների զարգացմանը զուգահեռ պետք է ուժեղացվի նաև երկու երկրների միջև ծովային նավատորմը, և անհրաժեշտ է երկու կողմերի միջև համատեղ նավագնացային ընկերություն ստեղծել։
Իրանցի այս դիվանագետը հայտարարել է. «Ռուսաստանի առաջին փոխվարչապետ Անդրեյ Բելուսովի հետ իր վերջին հանդիպմանը քննարկել են ծովային համագործակցության ընդլայնումը, և Ռուսաստանի իշխանությունները ողջունել են համատեղ նավագնացային ընկերության ստեղծումը»։
ՌԴ-ում Իրանի դեսպանն ասել է. «Նավահանգիստների զարգացմամբ և երկաթուղային ցանցին դրանց միացմամբ կմեծանա երկու երկրների միջև ծովային բեռնափոխադրումների ներուժը»։
Իրանը և Ռուսաստանը կիսում են ռազմավարական շահերը երկկողմ ոլորտներում, հատկապես՝ տնտեսական, ռազմական և անվտանգության հարաբերություններում, ինչպես նաև տարածաշրջանային և միջազգային հարցերում, ինչպիսիք են ամերիկյան կամայականության դեմ պայքարը, և սա վերջին տարիներին երկու կողմերի սերտ համագործակցության հիմնական գործոններից մեկն է եղել:
