Ռուս փորձագետներ. Թեհրան-Մոսկվա էներգետիկ կամուրջը պետք է ակտիվանա
Ռուսական ԲՈՒՀ-երի մի շարք փորձագետներ և պրոֆեսորներ, անդրադառնալով Կովկասի տարածաշրջանում ազդեցությունը մեծացնելու արտաքին ուժերի ջանքերին, Հյուսիս-Հարավ միջանցքի շրջանակներում փոխադրումների ընդլայնմանն ինչպես նաև Ռուսաստանի, Վրաստանի, Հայաստանի և Իրանի միջև «Էներգետիկ կամուրջ» համաձայնագրի գործադրմանը, նշել են, որ Պարսից ծոցում Ռուսաստանի, Իրանի և Կատարի գազային հանգույցը կնապստի տարածաշրջանի երկրների մերձեցմանը:
Այս թեմաները արծարծվել են «Տարածաշրջանային նոր կարգ. Իրանի և Ռուսաստանի համագործակցությունը Կենտրոնական Ասիայում և Կովկասում» թեմայով հանդիպմանը, որը կայացել է Մոսկվայի Համագործակցության ինստիտուտում, Իրանի դեսպանի ներկայությամբ, ով նաև հանդես է եկել ելույթով։
Ռուսաստանի Համագործակցության ինստիտուտի Կովկասի բաժնի ղեկավար Վլադիմիր Նովիկովը հանդիպման ժամանակ հայտարարել է, որ 2016 թվականին Ռուսաստանի, Իրանի և Հայաստանի էներգետիկայի նախարարները և Վրաստանի էներգետիկայի փոխնախարարը փոխըմբռնման հուշագիր են ստորագրել էլեկտրացանցերը միմյանց միացնելու մասին։
Նա նշել է. «Այս էներգետիկ հանգույցի միջոցով Իրանը կարող է կայուն կերպով ապահովել իր հյուսիսային շրջաններին անհրաժեշտ էլեկտրաէներգիան և փոխանակել ստացված էներգիան տարվա այլ եղանակներին»։
Նովիկովը նաև նշել է Վրաստանի տարածքով տրանսպորտային ենթակառուցվածքների ամրապնդումը կովկասյան տարածաշրջանում և հարևանների միջև համագործակցության ամրապնդման ևս մեկ ճանապարհ է, հավելելով. «Վրաստանի կառավարությունը շահագրգռված է Լարսով բեռնափոխադրումների ծավալի մեծացմամբ, ինչպես նաև Դաղստանի Հանրապետության հետ կապի թունելի ստեղծմամբ, որը կարող է ամրապնդել տարածաշրջանային համագործակցությունը»։
Ռուսաստանի Ազգերի Համագործակցության ինստիտուտի պատգամավոր Վլադիմիր Լեոնիդովիչ Շարուխինը հանդիպմանը հայտարարել է. «ԱՄՆ-ի նման երկրներն այլևս չեն կարող պահպանել միաբևեռ աշխարհը և անխուսափելիորեն ձևավորվում է մեկ այլ աշխարհ՝ կենտրոնացած Ռուսաստանի, Իրանի, Չինաստանի և Հնդկաստանի վրա»։
