Տարբեր երկրների խոստովանությունը Իրանի ռազմածովային ուժերի հզորության մասին
Իրանի Իսլամական Հանրապետության բանակի ռազմածովային ուժերի հրամանատարն ասել է. «Սանկտ Պետերբուրգում խորհրդակցություններին մասնակցելու ժամանակ տարբեր պաշտոնյաներ խոստովանել են Իրանի բանակի ռազմածովային ուժերի հզորությունը»:
Ծովակալ Շահրամ Իրանին Սանկտ Պետերբուրգ կատարած այցի արդյունքների մասին հայտարարել է, որ խորհրդակցությունների ընթացքում քննարկվել են Իրանի ռազմածովային ուժերի հնարավորությունները, և մյուս երկրները ցանկացել են համատեղ աշխատանք տանել Իրանի բանակի ռազմածովային ուժերի հետ։
Իրանի բանակի ռազմածովային ուժերի հրամանատարը նշել է, որ Սանկտ Պետերբուրգում Իրանի ներկայությունը և Ռուսաստանի ռազմածովային ուժերի օրվան նվիրված շքերթին իրանական երեք ռազմանավերի մասնակցությունը կարևոր ուղերձներ ունի: Առաջին ուղերձն այն է, որ Իրանը մեկուսացված չէ և արդյունավետ ներկայություն ունի բոլոր ասպարեզներում։
Ծովակալ Իրանին նաև նշել է, որ դրա մեկ այլ ուղերձն ուղղված է Իրանի թշնամիներին, որպեսզի նրանք հասկանան, որ տարածաշրջանին հեգեմոնիա և գերակայություն պարտադրելու դարաշրջանն ավարտվել է, իսկ մեկ այլ կարևոր կետն այն է, որ ծովային տարածքը ռազմավարական տարածք է համարվում ծովային սահման ունեցող բոլոր երկրների, այդ թվում նաև Իրանի համար։
Իրանի բանակի ռազմածովային ուժերի հրամանատարը հստակեցրել է, որ Իրանն իր աշխարհագրական դիրքի շնորհիվ գտնվում է լավագույն կետում և հանդիսանում է ծովային առևտրի միջազգային ուղի, իսկ Իրանի ռազմածովային ուժերը կարևոր դեր են խաղում ծովային տնտեսության անվտանգությունը ապահովելու գործում։